प्रजासत्ताक दिनाच्या दिवशी अनेक सेलेब्रिटी आणि सोशल मीडिया इंफ्लुएंसर आपला तिरंगा लूक तयार करत असतात; या दिवशी तुम्हीही असा आपला लूक तयार करून छान फोटोशूट करू शकतात, पण अर्थात असा लूक करायचं म्हटलं तर त्याला खूप खर्च करावा लागतो. 

पण जर तुम्हाला पॉकेट फ्रेंडली आउटफिट तयार करायचा असेल तर तुम्ही या टिप्स फॉलो करू शकतात. मोठमोठ्या दुकानात किंवा मॉलमध्ये जाऊन महागडे कपडे घेण्यापेक्षा तुम्ही तुळशीबागेत जाऊ शकतात

तुळशीबाग म्हटलं की छान-फॅशनेबल कपडे, सुंदर ज्वेलरी आणि इतरही खूप स्टायलिश गोष्टी आल्याच. तरुणींसाठी इथे विशेष आकर्षण असतं. शिवाय आपल्या बजेटमध्ये बसणाऱ्या अशा अनेक स्टायलिश गोष्टी तुम्हाला सहज इथे मिळतील.

प्रजासत्ताक दिनानिमित्तही तुळशीबागेत अशाच अनेक गोष्टी आल्या आहेत, या गोष्टींची किंमत २०० रुपयांच्या आत आहे. आपला पूर्ण लुक तुम्ही फक्त ५०० रुपायांमध्ये क्रिएट करू शकतात, आणि हे कपडे तुम्ही प्रजासत्ताक दिनानंतरही वापरू शकतील असेच आहेत. 

१. चिकनकरीचे पांढरे कुर्ते: चिकनकरीचे कुर्ते सगळ्यांनाच आवडतात, १५० ते २०० रुपायांमध्ये तुम्हाला इथे हे कुर्ते सहज मिळतील. चिकनकरीचे कुर्ते त्यावर बारीक एम्ब्रोडरी खूप सुंदर दिसते, यात तुम्ही लॉन्ग, शॉर्ट किंवा कट नसलेले लॉन्ग कुर्तेसुद्धा घेऊ शकतात. 

२.प्लाजो:  कुर्ते तसे नेहमीच तुळशीबागेत असतात, पं सध्या इथे नवीन नवीन प्लाजो सध्या आलेले आहेत, या प्लाजो तुम्हाला २०० रुपयात इथे मिळतील; जर तुम्हाला पांढऱ्या रंगाची हवी असेल तर तशी नाहीतर तुम्ही हिरव्या रंगाचीही प्लाजो घेऊ शकतात. 

३. तिरंगा स्टाइल ओढणी: तिरंगा स्टाइल ओढणीवर आपल्या तिरंग्याच्या रंगांनी कलर आहे, त्यामुळे फार काही फॅशनेबल गोष्टी नाही केल्यातरी चालतील. १०० रूपयांपर्यंत ही ओढणी उपलब्ध आहेत.