पठाणकोट : भारतीय संघाचा माजी अष्टपैलू सुरेश रैनाने पंजाबमधील पठाणकोट जिल्ह्यातील आपल्या आत्याच्या घरी भेट दिली. मागील महिन्यात एका टोळक्याने केलेल्या हल्ल्यात सुरेश रैनाच्या आत्याचे पती आणि मुलगा यांचा मृत्यू झाला होता. या घटनेची सखोल चौकशी करण्याचे आदेश पंजाबचे मुख्यमंत्री अमरिन्दर सिंह यांनी पोलिसांना दिले होते. त्यानंतर तपासाची चक्रे वेगाने फिरल्याचे पाहायला मिळाले. रैनाने पंजाबमध्ये दाखल होताच पंजाब पोलिस आणि सरकारचे आभार मानले आहेत.
संबंधित घटनेचा पोलिस योग्य तपास करत असून याप्रकरणात सुरेश रैनाने ट्विटच्या माध्यमातून पंजाब सरकार आणि पोलिसांना योग्य तपास करावा, अशी मागणी केली होती. पोलिस प्रकरणात पोलिसांनी तिघांना अटक केली आहे. या घटनेत एका आंतरराजीय टोळीचा समावेश असल्याचे उघड झाले आहे.
रैनाने थरियाल या गावी दाखल होत आपल्या नातेवाईकांची विचारपूस केली. तसेच या हल्ल्यासंदर्भात त्याने आत्याच्या कुटुंबियातील सदस्यांकडून माहितीही घेतली. यावेळी रैनासोबत त्याच्या कुटुंबियातील अन्य सदस्यही उपस्थितीत होते. 19 ऑगस्ट रोजी झालेल्या हल्ल्यात रैनाच्या आत्याचे पती अशोक कुमार आणि त्यांचा मुलगा कौशल यांचा मृत्यू झाला होता. टोळक्याने केलेल्या हल्ल्यात रैनाची आत्याही गंभीर जखमी झाली होती. त्यांच्यावर रुग्णालयात उपचार सुरु आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.