नवी दिल्ली - 'एनडी टीव्ही'चे प्रवर्तक प्रणव रॉय आणि राधिका रॉय यांच्यावर "सीबीआय'ने बुधवारी गुन्हा दाखल केला आहे. 2007-09 मध्ये थेट परकी गुंतवणुकीच्या नियमांचे उल्लंघन केल्याचा आरोप त्यांच्यावर आहे. कंपनीने हे आरोप फेटाळले आहेत.

रॉय यांच्यासह कंपनीचे मुख्य कार्यकारी अधिकारी विक्रमादित्य चंद्रा व काही सरकारी अधिकाऱ्यांवरही गुन्ह्याचा कट, फसवणूक आणि भ्रष्टाचाराच्या आरोपावरून "एफआयआर' दाखल करण्यात आली. "सीबीआय'ने आज चंद्रा यांच्या घराची झडती घेतली.