राजस्थानच्या अलवर जिल्ह्यात लग्नाची मिरवणूक सुरू असताना अचानक गोंधळ माजला. त्याला कारणंही तसेच घडले. नवऱ्याची आई मुलाबरोबर नाचत असताना अचानक कोसळून तिचा मृत्यू झाला. सोशल मीडियावर(Social Media) या घटनेचा व्हिडिओ व्हायरल (Viral Video) झाला आहे. व्हिडिओत दिसते की, एक आई आपल्या मुलाच्या लग्नाच्या मिरवणुकीत डीजेच्या तालावर नाचत असताना अचानक कोसळली. (Viral Video)

नवऱ्या मुलाचे नाव नीरज असून त्याच्या आईचे नाव निलम आहे. दैनिक भास्करने याबाबत वृत्त दिले आहे. ही घटना ३ फेब्रुवारीला घडली. नीरज लग्नाची मिरवणूक चिकणी येथील घरातून अलवर जिल्ह्यातील किशनगड बास येथे निघाली होती. वाटेत नाचण्यासाठी डिजे चालू होता. त्या डिजेवर नीलम यांनी मुलाबरोबर २० सेकंद डान्स केला. त्यांना हृदयविकाराचा जोरदार झटका आला. तेव्हा नीरज आपल्या आईला पकडण्यासाठी धावला. कुटुंबियांनी त्यांना ताबडतोब रूग्णालयात दाखल केले. पण डॉक्टरांनी त्यांना मृत घोषित केले. त्यांना आधीपासूनच हृदयविकाराचा त्रास होता, असे कुटूंबियांनी सांगितले.