खाण घोटाळ्याप्रकरणी झारखंडचे मुख्यमंत्री हेमंत सोरेन (Jharkhand CM Hemant Soren) यांचं पुढं आलं असतानाच, आता त्यांच्या भावाचं प्रकरणही चव्हाट्यावर आलंय. हेमंत सोरेन यांचे भाऊ बसंत सोरेन (Basant Soren) यांची आमदारकी धोक्यात आल्याचं सांगण्यात येतंय.

भारतीय निवडणूक आयोगानं (Election Commission of India EC) बसंत यांच्या घोटाळ्याप्रकरणी सुनावणी पूर्ण करून फाईल राजभवनाकडं पाठवलीय. या फाइलमध्ये निवडणूक आयोगानं त्यांच्या वतीनं आवश्यक शिफारसीही नोंदवल्या आहेत. आता या प्रकरणी राज्यपालांना निर्णय घ्यायचा आहे.

राज्यपाल घेऊ शकतात कठोर निर्णय

निवडणूक आयोगाकडून मिळालेल्या माहितीनुसार, बसंत सोरेन यांच्या प्रकरणात 29 ऑगस्ट रोजी सुनावणी पूर्ण झाली. यानंतर आयोगानं आपल्या शिफारशीसह संपूर्ण अहवाल राजभवनाला सीलबंद कव्हरमध्ये पाठवलाय. या अहवालाच्या आधारे राज्यपाल रमेश बैस कठोर निर्णय घेऊ शकतात, अशी भीती व्यक्त केली जात आहे. अशा परिस्थितीत आता बसंत सोरेन यांचं विधानसभेचं सदस्यत्वही धोक्यात आलं आहे. बसंत सोरेन सध्या दुमका येथून झामुमोचे आमदार आहेत. भाजपनं बसंत सोरेन यांच्याविरोधात राज्यपालांकडं तक्रार केली होती.