आंध्र प्रदेशच्या श्रीकाकुलम जिल्ह्यातील (Srikakulam Andhra Pradesh) जंगलात माकडांचे (Monkey) मृतदेह आढळल्याने खळबळ उडालीय. इथं सुमारे 40 ते 45 माकडांचे शव सापडले आहेत.

अहवालानुसार, सिलागम गावातील (Silagam Village) जंगलात 40 माकडांचे शव सापडले आहेत. या माकडांना विषबाधा झाल्याचा आरोप स्थानिकांनी केलाय. या घटनेबाबत श्रीकाकुलमचे कासीबुगा वन अधिकारी (Kasibugga Forest) मुरली कृष्णन म्हणाले, जिल्ह्यात अशी कोणतीही घटना आम्ही पाहिली नाही. या माकडांना कुणीतरी ट्रॅक्टरमधून आणून जंगलाच्या (Srikakulam Forest) परिसरात फेकून दिलं आहे. आम्ही येथून सुमारे 40-45 माकडांचे शव जप्त केले आहेत.

एवढ्या मोठ्या प्रमाणात माकडांचे मृतदेह सापडल्याने सर्वत्र खळबळ उडालीय. या घटनेनंतर मुरली कृष्णन पुढं म्हणाले, 'या माकडांचं शवविच्छेदन केलं जाईल. त्यानंतर शवविच्छेदन रिपोर्ट 5 दिवसांत येईल. प्राणी कायद्यान्वये गुन्हा दाखल करण्यात येणार आहे. या प्रकरणाची सखोल चौकशी करण्यात येत आहे. आरोपी कोण आहेत, त्यांना लवकरच पकडलं जाईल. या माकडांचे शव इथं कोणी ठेवलं हे अद्याप स्पष्ट झालेलं नाही.'