नवी दिल्ली - दिल्लीतील जनतेला विकास हवा आहे, विकासाचे दावे करणाऱ्या जाहिराती नको, अशी टीका भाजपचे कार्यकारी अध्यक्ष जे. पी. नड्डा यांनी आज केली. दिल्ली विधानसभा निवडणुकीच्या पार्श्वभूमीवर नड्डा यांनी आज भाजपच्या कार्यकर्त्यांची बैठक घेतली.
आम आदमी पक्षाच्या सरकारने जनतेची दिशाभूल केली असून, त्यांचा खरा चेहरा उघड करण्यासाठी भाजप कार्यकर्त्यांनी नागरिकांच्या घरोघर जाऊन सत्य परिस्थिती सांगावी, असे आवाहन नड्डा यांनी या वेळी केले. ‘‘केजरीवाल सरकारने जनतेवर केलेला अन्याय आम्ही उघड पाडू. दिल्लीला विकासाची गरज आहे, जाहिरातींची नाही,’’ असे नड्डा म्हणाले. नड्डा हे दिल्लीच्या विविध भागांत कार्यकर्त्यांची बैठक घेऊन त्यांना प्रोत्साहित करत आहेत.
दुसरीकडे, ‘आप’नेही भाजपला टीकेचे लक्ष्य केले आहे. केंद्रातील भाजपने दिल्लीचा विकास रोखला असून, शहराची कचराकुंडी केली आहे, अशी टीका आप नेत्यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.