दिल्लीतल्या मुंडका परिसरातल्या एका तीन मजली कारखान्याच्या इमारतीला काल भीषण आग लागली. या आगीत २७ जणांचा मृत्यू झाला असून १२ जण जखमी झाले आहेत. हा कारखाना बांधत असताना आवश्यक त्या कायदेशीर प्रक्रियांची पूर्तता केली नसल्याचं समोर आलं आहे.

दिल्ली अग्निशमन दलाचे प्रमुख अतुल गर्ग यांनी इंडिया टुडेला दिलेल्या माहितीनुसार, या कारखान्याच्या नो ऑब्जेक्शन प्रमाणपत्रासाठी अर्ज कधीच करण्यात आलेला नव्हता आणि तसंच या इमारतीत जे कारखाने आहेत, त्यांच्याकडे हे प्रमाणपत्र नसून ते नियमावलीचं पालन न करता कार्यरत होते.

या प्रकरणी कारखान्याचे प्रमुख वरुण गोयल आणि सतिश गोयल यांना दिल्ली पोलिसांनी खुनाच्या प्रयत्नाच्या आरोपाखाली अटक केली आहे.