नवी दिल्ली - देशात कोरोना बाधितांचा आकडा दिवसागणिक वाढत आहे. देशाची राजधानी असलेल्या दिल्लीतही कोरोनाग्रस्तांची संख्या दिवसेंदिवस वाढत आहे. या पार्श्वभूमीवर दिल्ली सरकारने जिल्हा दंडाधिकाऱ्यांना नवीन कोरोना बाधितांना दाखल करण्याची जागा उपलब्ध करण्यास सांगितलं आहे. तसेच कोरोनामुळे मृत्यू झालेल्यांवर अंतिम संस्कार करण्यासाठी किंवा त्यांना पुरण्यासाठी अधिकची जागा उपलब्ध करुन देण्याचे निर्देश दिले आहेत. सोमवारी आपत्ती व्यवस्थापन प्राधिकरणाने एक आदेश जारी केला आहे. यानुसार जिल्हा दंडाधिकाऱ्यांना बुधवारपर्यंत मिळालेली जागा आणि जमीनीसंबंधीची माहिती देण्यास सांगितलं आहे.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे  क्लिक करा

दिल्लीत covid-19 रुग्णांची संख्या झपाट्याने वाढत आहे. परिस्थिती लक्षात घेऊन अगोदरच योजना तयार असणे आवश्यक आहे. त्यामुळे covid-19 रुग्णांना अधिकच्या बेडची व्यवस्था आणि अंतिम संस्कार करण्यासाठी जागा निश्चित करणे गरजेचं आहे, असं सरकारने काडलेल्या आदेशात म्हणण्यात आलं आहे. दिल्लीमध्ये कोरोनाबाधित रुग्णांची संख्या 20,000 च्या पुढे गेली आहे. तसेच कोरोना विषाणूने आतापर्यंच 523 लोकांचा जीव घेतला आहे.

पाकिस्तानकडून पुन्हा शस्त्रसंधीचे उल्लंघन; एका दहशतवाद्याचा खात्मा, चकमक सुरू

आपत्ती व्यवस्थापन प्राधिकरणाने याबाबत अधिकची माहिती दिली आहे. दिल्ली सरकारने रेल्वे मंत्रालयाकडे आयसोलेशन कोचची मागणी केली होती. त्यानुसार 10 कोच उपल्बध करुन देण्यात आले आहेत. एका कोचमध्ये 160 रुग्णांना ठेवले जाऊ शकते. हे कोच सध्या शकूरबस्ती येथे ठेवण्यात आले आहेत. मात्र, यांची हालचाल केली जाऊ शकते. या कोचमध्ये वातानुकूलीत सेवा नसते. दिल्ली सरकार आणि रेल्वे विभाग मिळून याचे व्यवस्थापन करत आहेत, अशी माहिती प्राधिकरणाने दिली आहे.

चौदा पिकांसाठी आता दीडपट एमएसपी; केंद्रीय मंत्रिमंडळाची बैठक