नवी दिल्ली, ता. 08 : देशाची राजधानी दिल्लीत सोमवारी दुपारी पुन्हा एकदा भूकंपाचा धक्का बसला. गेल्या दोन महिन्यात दिल्लीत सातत्यानं भूकंपाचे हादरे बसत आहेत. यामुळे लोकांमध्ये भीतीचं वातावरण आहे. सोमवारी दुपारी 2.1 रिश्टर स्केलचा भूकंप झाला. याचे केंद्र हरियाणातील गुरुग्राम असल्याचं सांगितलं जात आहे. दिल्ली-एनसीआरमध्ये भूकंपाच्या धक्क्यांची सुरुवात 12 एप्रिलपासून झाली आहे. तेव्हापासून आतापर्यंत जवळपास 14 वेळा भूकंप झाला आहे. या धक्क्यांमधून दिल्लीसह एनसीआरला धोक्याचा इशाराच असल्याचं तज्ज्ञांचं मत आहे.
मिळालेल्या माहितीनुसार, भूकंपाचे केंद्र दिल्लीच्या शेजारी असलेलं गुरुग्राम आहे. 18 किमी खोलात असलेलं भूकंपाच्या केंद्रात बसलेल्या हादऱ्यांचा दणका दुपारी 1 च्या सुमारास दिल्लीसह एनसीआरला बसला. याआधीही झालेले भूकंप हे दिल्ली, फरीदाबाद आणि रोहतक इथंच होते.
दिल्लीत 12 एप्रिलनंतर 14 वेळा भूकंप झाले. यात सहावेळा भूकंपाचे केंद्र दिल्ली होते. तर तीन वेळा फरीदाबाद आणि दोनवेळा रोहतक इथं भूकंपाचा केंद्रबिंदू होता. सोमवारी गुरुग्रामला भूकंपाचे हादरे बसले. गेल्या दोन महिन्यात 29 मे रोजी दिल्लीला 4.5 रिश्टर स्केल इतक्या तीव्रतेचा भूकंपाचा धक्का बसला होता. त्याशिवाय तीन ते चार वेळा 3 रिश्टर स्केलपेक्षा जास्त तीव्रतेचे धक्के दिल्लीला बसले आहेत.
इंडियन इन्स्टिट्यूट ऑफ टेक्नॉलॉजीच्या तज्ज्ञांनी दिल्ली एनसीआरमध्ये मोठा भूकंप होण्याची भीती व्यक्त केली आहे. तज्ज्ञांच्या मते सौम्य भूकंपाच्या धक्क्यांकडे इशारा म्हणून बघायला पाहिजे. आय़आयटी धनबादच्या डिपार्टमेंट ऑफ अप्लाइड जिओफिजिक्स आणि सिस्मॉलॉजी यांच्या म्हणण्यानुसार, दिल्ली आणि एनसीआरमध्ये मोठा भूकंप होऊ शकते. तर दुसरीकडे आयआयटी कानपूरमधील तज्ज्ञांनी इशारा दिला आहे की, दिल्ली-हरिद्वार भागात गेल्या काही दिवसांत भूगर्भात हालचाली होत आहेत. या हालचाली सुरूच राहतील.
भारतात भूकंपाच्या प्रमाणानुसार चार वेगवेगळे झोन तयार करण्यात आले आहेत. यामध्ये हाय इन्टेंसिटी झोन V ते लो इन्टेंसिटी झोन II पर्यंत विभागणी केली आहे. दिल्ली एनसीआर झोन IV मध्ये येतं. हा झोन धोकादायक समजला जातो. देशातील सर्वाधिक भूकंपाचे धक्के बसणाऱ्या शहरांमध्ये दिल्लीचा समावेश होतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.