Multiple Vehicle Collision on Delhi Mumbai Expressway: उत्तर भारतामधील बहुतांश भागात अतिशय दाट धुक्यांचा वाहतुकीवर मोठा परिणाम होताना दिसत आहे. सोमवारी दिल्ली-मुंबई एक्सप्रेसवेवर एकामागून एक २५ वाहने एकमेकांना धडकली ज्यामध्ये चार जणांचा मृत्यू झाला आणि सुमारे २० जण जखमी झाले.

 सोमवारी पहाटे ५ वाजेच्या सुमारास दिल्ली-मुंबई एक्सप्रेसवेवर हा भीषण अपघात झाला. दाट धुक्यामुळे दृश्यमानता अत्यंत कमी होती, ज्यामुळे एकामागून एक अंदाजे २५ वाहने एकमेकांना धडकली. ज्यामुळे घडलेल्या अपघातात दोन पोलिसांसह चार जणांचा जागीच मृत्यू झाला आणि सुमारे २० जण गंभीर जखमी झाले.

दोन ओव्हरलोडेड डंपर एकमेकांना धडकल्याने या अपघाताची सुरुवात झाली. दोन डंपरची टक्कर झाल्यानंतर लगेचच मागून येणाऱ्या पेरूंनी भरलेल्या ट्रकने या वाहनांना धडक दिली. यामुळे तो ट्रक उलटला आणि  मोठ्या प्रमाणात पेरू रस्त्यावर सांडले.  

ज्यामुळे महामार्गर निसरडा झाला परिणामी मागून भरधाव येणाऱ्या वाहनांना आधीच धुक्यामुळे काही दिसत नसताना, त्यात महामार्ग निसरडा झाल्याने ब्रेक लावूनही वाहने मोठ्याप्रमाण घसरून एकेमकांना धडकली