नवी दिल्ली : उत्तरप्रदेशातील पिलीभीतचे भाजप खासदार वरुण गांधी यांनी केंद्राचे कृषी कायदे व लखीमपूर हिंसाचारावरून पुन्हा स्वपक्षावर निशाणा साधला आहे. दिवंगत अटलबिहारी वाजपेयी यांच्या एका जुन्या भाषणाचा व्हिडिओ ट्विट करत त्यांनी या कायद्यांचा दुरुपयोग शेतकऱ्यांचे आंदोलन दडपण्यासाठी होत असल्याचे म्हटले आहे.
वरुण हे भाजपबाहेर जाण्याच्या तयारीत असल्याचे दिसत आहे. उत्तर प्रदेशाची निवडणूक होईपर्यंत भाजप नेतृत्व आपल्याला हात लावण्याची शक्यता कमी आहे हे ओळखून त्यांनी लखीमपूरच्या निमित्ताने स्वपक्षीय नेतृत्वावर एकामागोमाग एक टीकास्त्र सोडणे चालू ठेवले आहे.
काय म्हणाले होते वाजपेयी ?
वाजपेयी या व्हिडिओत म्हणतात की, आम्ही शेतकऱ्यांच्या मुद्याचा राजकीय वापर करू इच्छित नाही. मात्र मी सरकारला इशारा देतो की दडपशाहीचे प्रयत्न सोडून द्या. शेतकऱ्यांना धमकाविण्याचे प्रयत्न करू नका. शेतकरी घाबरणारा नाही. आम्ही शेतकऱ्यांच्या योग्य मागण्यांना पूर्ण पाठिंबा देतो. सरकार जर दडपशाही करून कायदेशीर मार्गाने सुरू असलेल्या शेतकऱ्यांच्या आंदोलनाला बळाने दडपण्याचा प्रयत्न करणार असेल तर शेतकऱ्यांच्या आंदोलनात भाजपही उडी घेईल. आम्ही शेतकऱ्यांच्या खांद्याला खांदा भिडवून आंदोलनात सरकार विरुद्ध उभे राहू.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.