नवी दिल्ली : सुशांत सिंह राजपूतच्या मृत्यू प्रकरणातील तपासात बॉलिवूडमधील ड्रग्ज कनेक्शन समोर येत आहे. सध्याच्या घडीला चर्चेत असलेल्या या प्रकरणाचे पडसाद लोकसभेत उमटल्याचे पाहायला मिळाले. पावसाळी अधिवेशनाच्या पहिल्याच दिवशी भोजपूरी अभिनेता आणि गोरखपूरचे भाजप खासदार रवी किशन यांनी बॉलिवूडमधील ड्रग्ज कनेक्शनसंदर्भातील मुद्यावर भाष्य केले.
अधिवेशनाच्या पहिल्या दिवशीच्या कामकाजावेळी रवी किशन म्हणाले की, ड्रग्ज तस्करी आणि ते सेवन करण्याची युवा पीढीला लागणारी सवय हे देशासमोरील मोठे आव्हान आहे. तरुणाईला भरकटवण्यासाठी चीन आणि पाकिस्तान देशात ड्रग्ज पुरवण्याचं काम करतात, असा आरोपही त्यांनी यावेळी केला. पंजाब आणि नेपाळमधून ड्रग्ज देशभरात पोहचवण्याचे काम सुरु आहे, असा उल्लेखही त्यांनी केला. ड्रग्जचं कनेक्शन बॉलिवूडमध्येही आहे. याप्रकरणात एनसीबीचा तपास योग्य दिशेने सुरु आहे. दोषींना पकडून कठोरात कठोर कारवाई करत पाक-चीनचा कट उधळून लावायला हवा, अशा आशयाचे वक्तव्य रवी किशन यांनी म्हटले आहे.
बॉलिवूड अभिनेता सुशांत सिंह राजपूत याच्या मृत्यू प्रकरणातील तपासादरम्यान बॉलिवूड आणि ड्रग्ज कनेक्शन समोर आले होते. या प्रकरणात सुशांतची मैत्रीण रिया चक्रवर्ती, तिचा भाऊ शौविक आणि मिरिंडाला एनसीबीने अटक केली होती. रियाने तपासादरम्यान बॉलिवूडमधील अन्य काहींची नावे देखील सांगितली आहेत. या प्रकरणात बॉलिवूडमधील दिग्गजांची नावे असल्याची चर्चा आहे. याप्रकणाचे पडसाद लोकसभेत उमटल्याचे पाहायला मिळाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.