नवी दिल्ली - कोलकाता ते दिल्ली मेट्रोचे कॅप्टन आणि मेट्रो मॅन म्हणून प्रसिद्ध असलेले ई श्रीधरन लवकरच भाजपमध्ये प्रवेश करणार आहेत. केरळमध्ये भाजपची विजय यात्रा होणार आहे. यावेळी मेट्रोमॅन श्रीधरन यांच्या पक्ष प्रवेशाची औपचारिकता पार पाडली जाणार आहे.
केरळचे भाजप प्रदेशाध्यक्ष के सुरेंद्रन यांच्या नेतृत्वाखाली राज्यात 21 पासून विजय यात्रा काढली जाणार आहे. या विजय यात्रेवेळी ई श्रीधरन यांचा भाजप प्रवेश होईल असे वृत्त एएनआय वृत्तसंस्थेनं दिलं आहे.
ई श्रीधरन अधिकृतपणे 21 फेब्रुवारीला भाजपचे सदस्यत्व स्वीकारतील. श्रीधरन यांनी मेट्रोच्या कामात मोठं योगदान दिलं असून त्यांना पद्म श्री आणि पद्म विभूषण पुरस्कारानेही गौरवण्यात आलं आहे.
मेट्रो मॅन नावाने प्रसिद्ध असलले ई श्रीधरन यांनी कोलकाता ते दिल्ली मेट्रोसाठी मोठं योगदान दिलं आहे. विकासकामांमधील योगदानासाठी त्यांना फ्रान्स सरकारनेसुद्धा गौरवलं आहे. 2005 मध्ये त्यांना 'Chavalier de la Legion d’honneur' पुरस्काराने गौरवण्यात आलं होतं. तसंच अमेरिकेच्या टाइम मॅगझिनने ई श्रीधरन यांना आशियाचा हिरो असंही म्हटलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.