नवी दिल्ली - कोरोनाच्या संसर्गामुळे जगाच्या अर्थगाड्याची चाके गाळात रुतली असतानाच आता याचा विपरित परिणाम सर्वच देशांतील आरोग्य आणि शिक्षण व्यवस्थेवर देखील होणार आहे. यामुळे अनेक देशांतील मुलांचे शिक्षण तर थांबणारच आहे पण त्याच बरोबर त्यांच्या आरोग्याला देखील याचा मोठा फटका बसेल.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे ► क्लिक करा

जागतिक बँकेच्या तज्ञांनी यासंदर्भात एक अहवाल तयार केला असून त्यातून ही धक्कादायक बाब समोर आली आहे. कोरोनामुळे जग शिक्षणासंदर्भातील चौथ्या वैश्विक शाश्वत विकास ध्येयाला याआधीच मुकले असून सर्वाना मोफत आणि दर्जेदार शिक्षण हे आता केवळ स्वप्नच राहणार आहे.

लॉकडाऊन १७ मेनंतरही सुरूच राहणार? पंतप्रधानांनी मुख्यमंत्र्यांना केल्या सूचना 

कोरोनाचा जगभरातील मुलांना कमीतकमी फटका बसावा म्हणून जागतिक बँक युद्धपातळीवर प्रयत्न करत असून यासाठी संयुक्त राष्ट्र संघाच्या अन्य संस्थांची देखील मदत घेतली जात आहे. कोरोनाच्या संसर्गामुळे याआधीच जगातील शिक्षण व्यवस्थेवर त्याचे मूलगामी परिणाम झाले आहेत, बहुतांश देशांतील शाळा सध्या बंद आहेत. भविष्यात हे संकट आणखी बिकट होणार आहे. यानंतर जेव्हा जागतिक मंदी येईल तेव्हा मात्र ही समस्या भीषण होऊ शकते, कारण शाळेत जाण्यासाठी लोकांच्या हातात पुरेसा पैसा नसेल असे जागतिक बँकेच्या शिक्षण विभागाचे संचालक जैम सावेंद्रा यांनी सांगितले.

श्रमिक रेल्वे धावणार पूर्ण क्षमतेने; मुंबईहून उद्या आणि दिल्लीहून परवा गाडी

ही काळजी घ्यावी 

• मुलांचे आरोग्य सांभाळणे 
• शाळा उघडण्याचे नियोजन आखावे लागणार 
• मुलांची गळती रोखावी 
• शैक्षणिक व्यवस्था सुधारावी

आराखड्याची गरज  
कोरोनामुळे सर्वच देशांतील शाळा बंद झाल्याने जगभरातील १५४ कोटी विद्यार्थ्यांना याचा फटका बसला आहे. संसर्ग संपल्यानंतर शाळा सुरु करायच्या याची मार्गदर्शक तत्त्वे संयुक्त राष्ट्राशी संबंधित संघटनांनी तयार केली आहेत.