अहमदाबाद (गुजरात): वर्क फ्रॉम होमच्या त्रासाला कंटाळून एका इंजिनिअरने आत्महत्या केल्याची घटना घडली आहे. नुकताच त्याचा विवाह ठरला होता. विवाहापूर्वीच त्याने आत्महत्या केल्यामुळे खळबळ उडाली आहे.

Video: काकांनी जेसीबीने घेतली खाजवून पाठ...

जगभरात कोरोना व्हायरसने धुमाकूळ घालायला सुरवात केल्यानंतर देशात लॉकडाऊनची घोषणा करण्यात आली. अनेक कंपन्यांनी वर्क फ्रॉम होमची सुविधा दिली. मात्र, काम करताना योग्य सुविधा नसल्याने अनेकांना अडचणींचा सामना करावा लागत आहे. वर्क फ्रॉम होममुळे तणाव निर्माण होत असल्याची माहिती अहवालाद्वारे पुढे येत आहे. जिगर गांधी (वय 32) असे आत्महत्या केलेल्या इंजिनिअरचे नाव आहे. जिगर  नोएडा येथील एका कंपनीत गेल्या तीन वर्षांपासून काम करत होता. लॉकडाऊनमुळे घरातून तो काम करत होता. वर्क फ्रॉम होमला कंटाळून आत्महत्या करत असल्याची चिठ्ठी लिहून त्याने आत्महत्या केली आहे. शवविच्छेदन अहलावात गळफास घेतल्याने जिगरचा मृत्यू झाल्याचे स्पष्ट झाले आहे. याबाबतचा पुढील तपास सुरू आहे, अशी माहिती पोलिसांनी दिली.

आता काय राहिलंय..काहीच नाही..अध्याय समाप्त...!

दरम्यान, लॉकडाऊनमध्ये अनेकांना नोकऱ्या गमवाव्या लागल्या आहेत. दुसरीकडे काही कंपन्यांनी वर्क फ्रॉम होमची सुविधा दिली आहे. मात्र, काम करताना योग्य सुविधा नसल्याने अनेकांना अडचणींचा सामना करावा लागत आहे. तसेच वर्क फ्रॉम होममुळे तणाव निर्माण झाला आहे. काही दिवसांपूर्वी अशीच एक घटना पानीपतमध्ये घडली होती. नोकरी गेल्याने एका दाम्पत्याने आत्महत्या केली होती. धक्कादायक बाब म्हणजे एका महिन्यापूर्वीच त्यांनी विवाह केला होता.