Rajasthan: राजस्थानमधून धक्कादायक घटना समोर येत आहे. लालपूर गावात एक महिला लाकूड आणण्यासाठी बाहेर गेली असता शेजाऱ्याने तिच्यावर बलात्कार केला. त्यानंतर महिलेच्या कुटुंबीयांनी बलात्काराची पोलिसात तक्रार दाखल केली.
त्यामुळं आरोपीने काही लोकांना सोबत घेवून पिडीत महिलेच्या कुटुंबीयांवर हल्ला केला. त्या लोकांनी लाठ्या-काठ्या घेऊन महिलेच्या घरात घुसून महिला व वृद्धांवर जोरदार हल्ला केला. हल्ल्याची घटना कॅमेऱ्यात कैद झाली असून, त्याचा व्हिडिओ व्हायरल होत आहे. ही घटना राजस्थानमधील कामा पोलीस स्टेशन हद्दीतील लालपूर गावातील आहे.
स्वयंपाकासाठी लाकूड आणण्यासाठी गेलेल्या महिलेसोबतच गावातील शाहरुख नावाच्या तरुणाने बंदुकीचा धाक दाखवत बलात्कार केला. याप्रकरणी पिडितेने कामण पोलीस ठाण्यात फिर्याद दिली आहे.
पीडित महिलेने सांगितले की, "मी जवळच्या शेतात लाकूड आणण्यासाठी गेले होते. तिथे शाहरुखने माझ्या कपाळावर बंदूक ठेवली. आरडाओरडा केलास तर जीवे मारेन, अशी धमकी दिली. त्यानंतर त्याने माझ्यावर बलात्कार केला.
माझा आरडाओरड ऐकून तिथे माझा दिर आला. त्यानंतर आरोपी तिथून पळून गेला. त्यानंतर पोलिसात तक्राग दिल्यानंतर, आरोपीच्या बाजूचे सर्व लोक काठ्या घेऊन आमच्या घरात घुसले. महिला व पुरुषांवर लाठ्या-काठ्यांनी अमानुष हल्ला केला."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.