नवी दिल्ली : दिल्ली दारू धोरण प्रकरणी सीबीआयने मुख्यमंत्री अरविंद केजरीवाल यांची चौकशी केली. काही दिवसांपूर्वी सीबीआयने सीएम केजरीवाल यांना चौकशीत सहभागी होण्याची नोटीस दिली होती.
नोटीसनंतरच सीएम केजरीवाल रविवारी सीबीआय कार्यालयात पोहोचले. मात्र, सीबीआयने त्यांच्या चौकशीदरम्यान त्यांना कोणते प्रश्न विचारले हे अद्याप स्पष्ट झालेले नाही. या सगळ्या दरम्यान आता सीबीआय या प्रकरणात केजरीवाल यांनाही अटक करू शकते, असे आम आदमी पक्षाला वाटत आहे.
आम आदमी पार्टीचे दिल्लीचे संयोजक गोपाल राय यांनी या भीतीच्या पार्श्वभूमीवर पक्षाची तातडीची बैठक बोलावली आहे. मिळालेल्या माहितीनुसार, पक्ष कार्यालयात ही बैठक बोलावण्यात आली आहे.
सीबीआयने केजरीवाल यांना आज 16 एप्रिल रोजी मुख्यालयात बोलावले होते. या पार्श्वभूमीवर कडक सुरक्षा व्यवस्थाही ठेवण्यात आली होती. केजरीवाल सीबीआय मुख्यालयात पोहोचण्यापूर्वी तेथे सुरक्षा कर्मचारी तैनात करण्यात आले होते.
मुख्यमंत्री अरविंद केजरीवाल यांच्या चौकशीसंदर्भात दिल्ली पोलिसांनी सीबीआय मुख्यालयाभोवती कलम 144 लागू केले होते. या ठिकाणी आंदोलन करणाऱ्यांवर कारवाई केली जाणार होती. यासोबतच आप मुख्यालय ते सीबीआय मुख्यालय या मार्गावर अनेक ठिकाणी बॅरिकेडिंग करण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.