Eye Flue : देशात आय फ्लूची प्रकरणं झपाट्याने वाढताय. बऱ्याच कुटुंबांमध्ये हे संक्रमण एकापाठोपाठ एकाला होताना दिसतंय. हे संक्रमण नेमकं कशामुळे होतंय तसेच यावर उपाय काय? याबाबत आज आपण सविस्तर जाणून घेऊया.

आय फ्लूची कारणे सविस्तर जाणून घेण्यासाठी hindustan.com ने ऑप्थेलमोलॉजिस्टर रिंकी शर्माशी संपर्क साधला असता त्यांनी या संसर्गाशी संबंधित महत्वाचं कारण सांगितलं. "इतर ऋतूच्या तुलनेत पावसाळ्यात आय फ्लूचा धोका जास्त असतो. याचं मुख्य कारण म्हणजे हवामानात असलेला ओलावा. हवेतील ओलाव्यामुळे बॅक्टेरिया, व्हायरस सहज रिप्लीकेट होतात.

यंदा जुलैमध्ये आय फ्लूची बरीच प्रकरणं पुढे आलीत. जुलै महिन्यात या संसर्गाने त्रस्त सर्वाधिक रूग्णांची नोंद केली गेली. मागील वर्षाच्या तुलनेत यंदा रूग्णांचा आकडा मोठा आहे.

आय फ्लूपासून असा बचाव करा

आय फ्लू पासून बचाव करण्यासाठी हायजीन मेंटेन करा. तुमचा आंघोळीचा टॉवेल आणि कपडे कोणाशी शेअर करू नका.ज्यांना हा संसर्ग झालाय त्यांना शाळा, कॉलेज किंवा ऑफिसला पाठवू नका. सुट्टी घ्यायला सांगा. (Health)

आय फ्लू झाल्यास अशी घ्या काळजी

आय फ्लू झाल्यास दिवसातून दोन वेळा डोळे धुवा. आय स्पेशालिस्टने सुचवलेला ड्रॉप वेळोवेळी डोळ्यात टाका. मेडिकल स्टोअरमधून तुमच्या मताने औषधी घेऊ नका. कारण बहुतांश स्टोअर्समध्ये स्टेरॉइड्सयुक्त औषधी विकल्या जातात. यामुळे डोळ्यांच्या समस्या वाढून त्याचे गंभीर परिणाम तुम्हाला भोगावे लागू शकतात. (Eye Care)

आय फ्लू किती दिवसांत ठिक होतो

ही एक व्हायरल कंजक्टिव्हिटी आहे. हा संसर्ग आपोआप बरा होतो. तुमच्या टॉवेल, कपड्यांतून हा संसर्ग संपूर्ण कुटुंबाला होऊ शकतो. आय फ्लू बरा होण्यास ३-५ दिवस लागतात. शिवाय हे संक्रमण एका डोळ्याला झाले असल्यास दुसऱ्या डोळ्यालाही होऊ शकतं. अशा परिस्थितीत तुम्हाला बरे होण्यास जास्त काळही लागू शकतो.