नवी दिल्ली : जमीन गैरव्यवहारप्रकरणी हरियानाचे माजी मुख्यमंत्री भूपेंद्रसिंह हुडा आणि सोनिया गांधी यांचे जावई रॉबर्ट वड्रा यांच्याविरुद्ध शनिवारी गुन्हा दाखल झाला आहे. यात डीएलएफ कंपनी आणि ओकांरेश्‍वर प्रॉपर्टीजचा देखील समावेश आहे. हा गुन्हा गुरुग्रामच्या खेडकी धौला पोलिस ठाण्यात शिकोहपूर जमीन करारावरून गुन्हा दाखल झाला आहे.

दोघांवरही फसवणुकीचा आरोप करण्यात आला आहे. दरम्यान, यासंदर्भात वड्रा यांनी दशकभरापासून जुना असलेला मुद्दा उकरून काढला असून, त्यात नवीन काय आहे, असा प्रश्‍न केला आहे. निवडणूक जवळ येत असल्याने तसेच इंधनाचे वाढते दर यांसारख्या ज्वलंत मुद्द्यांवरून जनतेचे लक्ष विचलित करण्यासाठी सरकार कारवाई करत आहे.

आपल्यावरील आरोप बिनबुडाचे असल्याचे वड्रा यांनी सांगत आपण देशातच आहोत, आपण कोठेही पळून गेलेलो नाही. कोणाला काही प्रश्‍न विचारायचे असतील तर मी उपलब्ध आहे, असे वड्रा म्हणाले.