नवी दिल्ली - झारखंडमधील जमशेदपूर येथे एका विद्यार्थिनीला परीक्षेत शिक्षकाने कॉपीच्या संशयावरून कपडे काढण्यास भाग पाडले. यामुळे व्यथीत झालेल्या मुलीने आत्महत्या केल्याची धक्कादायक घटना समोर आली आहे. (Jharkhand girl sets herself on fire )

या घटनेनंतर इयत्ता 9वीच्या विद्यार्थीनीला जवळच्या रुग्णालयात दाखल करण्यात आले आहे. सध्या तिची प्रकृती चिंताजनक आहे. पोलीस अधिकाऱ्याने दिलेल्या माहितीनुसार, शिक्षकाला संशय आला की विद्यार्थिनी तिच्या गणवेशात पेपर चिट लपवून ठेवली आहे.

विद्यार्थिनीने म्हटलं की, शिक्षकाने तिचा अपमान केला. जोरदार प्रतिकार करूनही कपड्यात चिट लपवल्याचा दावा करत वर्गाशेजारील एका खोलीत तिचे कपडे काढायला लावले. शिक्षकाविरोधात तक्रार दाखल करण्यात आली असून या प्रकरणाची चौकशी करण्यात येत आहे.

दरम्यान पीडितेच्या आईने म्हटलं की, अपमान सहन न झाल्याने शाळेतून परतल्यानंतर काही वेळातच मुलीने स्वत:ला पेटवून घेतले.