रायपूर : छत्तीसगडचे माजी मुख्यमंत्री अजित जोगी यांना हृदयक्रिया अचानक बंद पडल्याने शनिवारी दुपारी येथील एका खासगी रुग्णालयात दाखल करण्यात आले आहे. ते अजूनही कोमामध्ये आहेत. त्यांना व्हेंटिलेटरवर ठेवण्यात आले आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे ► क्लिक करा  

काल (ता. १०) रविवारी दुपारी रुग्णालयाने दिलेल्या माहितीनुसार ७४ वर्षांच्या जोगी यांची प्रकृती अत्यंत नाजूक असून, आठ तज्ज्ञ डॉक्टरांचे पथक त्यांच्यावर सतत लक्ष ठेवून आहे. त्यांच्या मेंदूचे कार्य जवळजवळ थांबल्याची लक्षणे असल्याने पुढील ४८ तास अत्यंत काळजीचे आहेत.

जगाची चिंता वाढवणारी बातमी : कोरोनामुक्त झालेल्या वुहानमध्ये पुन्हा सापडला रुग्ण

शनिवारी (ता. ०९) दुपारी जोगी यांनी त्यांच्या निवासस्थानी एक चिंचोका खाल्ला असता तो श्वासनलिकेत अडकून ते व्हीलचेअरमध्ये अचानक कोसळले होते. त्यावेळी ते बेशुद्ध होऊन त्यांच्या हृदयाचे ठोकेही काही काळ थांबले होते. पुरेशा ऑक्सिजन पुरवठ्याअभावी त्यांच्या मेंदूला सूज आली असून, त्यांचा सिटी स्कॅन काढला जाणार आहे. अजित जोगी हे कॉंग्रेस पक्षाचे ज्येष्ठ नेते असून ते नोव्हेंबर २००० ते डिसेंबर २००३ या काळात छत्तीसगडचे मुख्यमंत्री होते.