माजी आमदार आणि काँग्रेस (Congress) नेते आसिफ मोहम्मद खान (Asif Mohammad Khan) यांना एका व्हायरल व्हिडिओमध्ये एसआयसह दोन दिल्ली पोलिस (Delhi Police) कर्मचाऱ्यांना शिवीगाळ आणि धमकी दिल्याप्रकरणी अटक करण्यात आलीय.

याप्रकरणी शाहीनबाग पोलिस ठाण्यात गुन्हा दाखल करण्यात आला आहे. काँग्रेसचे माजी आमदार आणि नगरसेवक आसिफ खान पुन्हा एकदा चर्चेत आले आहेत. आसिफ खान यांनी एका उपनिरीक्षकाला शिवीगाळ तर केलीच, पण त्याला मारहाणही केली. शिवाय, असिफ खान यांनी पोलिस कर्मचाऱ्याला सर्वांसमोर धडा शिकवण्याची धमकी दिली होती.

आसिफ खान आणि त्यांच्या समर्थकांनी घेरलेल्या दोन पोलिसांनी आपला जीव वाचवून तेथून पळ काढला होता. आसिफ खान यांच्या या कृत्यानंतर त्यांच्यावर पोलीस ठाण्यात गुन्हा दाखल करण्यात आला असून आज त्यांना अटक करण्यात आली. आसिफ खान यांच्या कृत्यावर भाजपनंही जोरदार टीका केली आहे.