नवी दिल्ली : जगभरात साजऱ्या होत असलेल्या आजच्या 'फ्रेन्डशिप डे' निमित्त काँग्रेसचे माजी अध्यक्ष राहुल गांधी यांनी पंतप्रधान नरेंद्र मोदी यांना खोचक शुभेच्छा दिल्या आहेत. राहुल गांधी यांनी आपल्या इन्स्टाग्रामवरुन रविवारी एक व्हिडिओ शेअर केला. यामध्ये पतंप्रधान नरेंद्र मोदी काही बड्या उद्योगपतींसोबतच्या मैत्रीचा व्हिडिओ शेअर करत त्यांना 'फ्रेन्डशिप डे'च्या शुभेच्छा दिल्या आहेत.

इन्स्टाग्रामवर हा व्हिडिओ शेअर करताना राहुल गांधी यांनी त्याला कॅप्शन दिलंय "हम दो हमारे दो की सरकार" यामध्ये फ्रेन्ड्स या प्रसिद्ध अमेरिकन टीव्ही मालिकेच्या थीम साँगचा वापर करण्यात आला आहे. सरकारच्या 'हम दो हमारे दो' या घोषणेवरुन राहुल गांधी यांनी निशाना साधताना. देश केवळ चार लोकच चालवत आहेत, असा आरोपही त्यांनी केला.

या वर्षी फेब्रुवारी महिन्यात अर्थसंकल्पादरम्यान कुटुंब नियोजनाबाबत असलेल्या 'हम दो हमारे दो' या घोषणेचा वापर करत कृषी कायद्यांना विरोध करताना आता देश चार व्यक्ती चालवत आहेत, असा आरोप केला होता. हे चाल लोक कोण आहेत हे सर्वांना माहिती आहे, असंही राहुल गांधी म्हणाले होते.