G-20 Summit News : जम्मू-काश्मीरच्या श्रीनगर येथे सोमवारी मोठ्या बंदोबस्तामध्ये जी २० शिखर संमेलनाला सुरुवात झाली. या समिटमध्ये सहभागी होण्यासाठी तब्बल २५ देशांचे प्रतिनिधी भारतात दाखल झाले आहेत.

आज काही प्रतिनिधींनी श्रीनगरच्या डल सरोवरामध्ये शिकारा सवारीचा आनंद घेतला. २०१९ मध्ये जम्मू काश्मीरचा विशेष दर्जा रद्द झाल्यानंतर हा पहिलाच आंतरराष्ट्रीय कार्यक्रम आहे.

या शिकारा राईडचा व्हीडिओ व्हायरल झाला आहे. ही मनमोहक दृष्य श्रीनगरच्या डल सरोवरातील आहेत. अशा प्रकारे विविध देशांच्या प्रतिनिधींनी शिकारा सवारीचा आनंद घेतला.

श्रीनगरमधील Dal या मंत्रमुग्ध करणाऱ्या तलावातील सूर्यास्त पाहणं म्हणजे मौजच असते. हे दृष्य एखाद्या चमत्कारापेक्षा कमी नसल्याचं तेथील लोक मानतात. येथून सूर्योदय आणि सूर्यास्ताची छबी सुंदर दिसते.

G-20 च्या बैठकीत ६० हून अधिक व्यक्ती सहभागी झाले आहेत. सुरक्षेच्या दुष्टीने सर्व काळजी घेण्यात आली आहे. एनएसजीची विशेष टीम येथे तैनात करण्यात आली आहेत. नौसेनेचे कमांडो समुद्र मार्गांवर आपला तळ ठोकून आहेत. तसेच संपूर्ण शहरात देखील प्रत्येक रस्त्यावर सुरक्षारक्षक तैनात आहेत.