पनवेल: देशातील पाच राज्यांमधील निवडणुका तोंडावर आल्या आहेत. या पार्श्वभूमीवर या राज्यांमधील राजकारण तापलं आहे. गोवा विधानसभा निवडणूक (Goa Assembly Election 2022) लढवणार का, या प्रश्नाचं उत्तर रिपाईचे प्रमुख रामदास आठवले यांनी दिलं आहे. तसेच त्यांनी शिवसेनेवर देखील टीका केली आहे. त्यांनी म्हटलंय की, गोव्यात शिवसेनेचं अस्तीत्व नगण्य आहे. शिवसेनेने अनेक वेळा प्रयत्न करूनही तिथे एकही आमदार निवडून येऊ शकलेला नाही. त्यामुळे गोव्यात शिवसेना-काँग्रेसची (ShivSena-Congress) आघाडी होईल असं मला वाटत नाही. असं मत केंद्रीय राज्यमंत्री रामदास आठवले यांनी मांडलं आहे.

पुढे त्यांनी म्हटलंय की, भाजपला गोवा जिंकणे काहीही अशक्य नाहीये. तिकडे गोव्यात काँग्रेस मध्ये मोठी फूट पडलीय. गोव्यातील सर्वांच्या सर्व 40 जागांवर आरपीआयने भाजपला पाठिंबा दिलाय, असं वक्तव्य केंद्रीय राज्यमंत्री रामदास आठवले यांनी पनवेलमध्ये केलंय.