पणजी : काँग्रेसचे माजी अध्यक्ष राहुल गांधी यांना मोदी-फोबिया झाला आहे, असा टोला केंद्रीय गृहमंत्री अमित शहा यांनी काँग्रेसला लगावला आहे. गोव्यात भाजपच्या निवडणूक कार्यक्रमाच्या उद्घाटनप्रसंगी ते बोलत होते. गोव्यात केवळ भाजपचं सरकार स्थापन करेल असा दावाही त्यांनी यावेळी केला. (Goa polls 2022 Rahul Gandhi suffering from Modi Phobia says Amit Shah)
इनडोअर सभेत बोलताना शहा म्हणाले, "गांधी परिवारानं गोव्याकडं केवळं टुरिस्ट डेस्टिनेशन म्हणून पाहिलं. पर्यटनासाठीच ते स्वतः गोव्यात येत होते. पण भाजपनं अर्थात मनोहर पर्रिकरांनी सूवर्ण गोव्याचं स्वप्न सत्यात उतरवलं. त्यामुळं आता गोव्यातील जनतेला भाजपचा 'सूवर्ण गोवा' पाहिजे की काँग्रेसचं 'गांधी कुटुंबियांचा गोवा' पाहिजे?" छोट्या राज्यांचा विकास हाच मोदी सरकारचा प्राधान्याचा विषय आहे, असंही यावेळी शहा म्हणाले.
काँग्रेसवर टीकास्त्र सोडताना शहा म्हणाले, "दिगंबर कामत सरकारच्या काळात गोवा भ्रष्टाचार, अस्थिरता आणि अनागोंदीसाठी बदनाम झाला होता. राहुल गांधींनाही 'मोदी फोबिया' झाला आहे" गोव्यात येत्या १४ फेब्रुवारी रोजी विधानसभा निवडणूक पार पडणार आहे तर १० मार्च रोजी याचा निकाल जाहीर होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.