नवी दिल्ली - नवे संसद भवन उभारणीची प्रक्रिया सुरू असून, २०२२ पर्यंत स्वातंत्र्याच्या सुवर्णमहोत्सवी वर्षात संसदेचे अधिवेशन नव्या संसद भवनात चालवावे असा प्रयत्न असेल, असे प्रतिपादन लोकसभा सभापती ओम बिर्ला यांनी आज केले. 

ताज्या बातम्यांसाठी डाऊनलोड करा ई-सकाळचे ऍप

संसदेच्या हिवाळी अधिवेशनाच्या समारोपानंतरच्या पत्रकार परिषदेत ते बोलत होते. ओम बिर्ला म्हणाले, की २०२२ हे स्वातंत्र्याचे सुवर्णमहोत्सवी वर्ष आहे. या वर्षात संसदेचे अधिवेशन नव्या संसद भवनात चालवावे असा प्रयत्न असेल. नव्या संसद भवनाच्या प्रस्तावित स्थानाबाबत दोन ते तीन पर्यायांची चाचपणी सुरू आहे. 

अविवाहित जोडप्याने हॉटेलात एकत्र राहणे गुन्हा नाही

यानंतर बिर्ला यांनी हिवाळी अधिवेशनाबाबतही माहिती दिली. ते म्हणाले, या अधिवेशनात ज्वलंत मुद्‌द्‌यांवर चर्चा करण्याला प्राधान्य दिले होते. त्यामुळे अल्पकालावधीचे अधिवेशन असूनही १३० तास कामकाज चालले आणि अधिवेशनाची उत्पादकता ११५ टक्के राहिली. अधिवेशनात १८ विधेयके मांडण्यात आली; तर १३ विधेयके लोकसभेत संमत केली. प्रश्‍नांच्या यादीतील संपूर्ण २० प्रश्‍नांवर चर्चा घडवून आणण्यात यंदा प्रथमच यश आले. अधिकाधिक प्रश्‍नांवर चर्चा व्हावी, हा प्रयत्न होता. लोकसभेचे कामकाज सुरळीत चालावे यासाठी प्रयत्न होता. सर्व पक्षांचे आणि लोकप्रतिनिधींचे सहकार्य मिळाले.