नवी दिल्ली : सरकारने केंद्र सरकारच्या अंतर्गत येणाऱ्या कर्मचाऱ्यांचा परिवर्तनीय महगाई भत्ता वाढवण्याची घोषणा केली आहे. याचा फायदा तब्बल 1.5 कोटी सरकारी कर्मचाऱ्यांना होणार आहे. या कर्मचाऱ्यांचं मासित वेतन आता 105 ते 210 रुपये वाढणार आहे. हा आदेश चीफ लेबर कमिशनरनी जाहीर केला आहे.

एक एप्रिलपासून आदेश लागू

ही वाढ या वर्षाच्या 1 एप्रिल पासून लागू होणार आहे. या घोषणेमुळे केंद्र सरकारच्या अंतर्गत येणाऱ्या कर्मचारी आणि कामगारांचे Minimum Wages वाढणार आहे.

वेगवेगळ्या श्रेणीच्या कर्मचाऱ्यांना फायदा

श्रम मंत्रालयाने म्हटलंय की, श्रम आणि रोजगार मंत्रालयाने एक एप्रिलपासून Variable Dearness Allowances वाढवण्याचा निर्णय घेतला आहे. केंद्र सरकारच्या अंतर्गत असणाऱ्या अनेक कर्मचाऱ्यांना यामुळे दिलासा मिळणार आहे.