लोक दारू पिण्यासाठी कुठल्या थराला जातील सांगता येत नाही. दारू पिण्यासाठी आजीने 100 रुपये न दिल्याने नातवाने आजीची कुऱ्हाडीने तुकडे केल्याचा भीषण प्रकार समोर आला आहे. याघटनेत आजीच्या मदतीसाठी धावून आलेल्या वडिलांचा हातालाही जखम झाली आहे. घटनेनंतर आरोपी पत्नी आणि मुलांसह फरार झाला. उत्तर प्रदेशमधील लखनऊ परिसरातून एक हृदयद्रावक घटना समोर आली आहे. पोलिस आरोपींचा शोध घेत आहेत.

आरोपीचे वडील सुरेश कुमार यांनी सांगितले की, त्यांचा मुलगा अनिश कुमार काल रात्री सासरहून घरी परतला होता. घरी परतल्यानंतर त्याने आजीकडे 100 रुपये मागितले होते. नातवाने दारूसाठी पैसे मागितले असता आजीने नकार दिला. यानंतर आरोपीने वडिलांकडे पैसे मागितले असता वडिलांनी त्याला फटकारले आणि काठी घेऊन पायावर मारली.

हेही वाचा - जोखीममुक्त व्यवहारांसाठी रिझर्व बँकेचा 'डिजिटल रुपया'

वडिलांनी मुलाला फटकारले तेव्हा त्याचा राग आनावर झाला. आरोपींनी घरात ठेवलेली कुऱ्हाड आणून आजीवर हल्ला केला. त्याने आजीवर कुऱ्हाडीने वार करून तीला ठार केले. वडील मदतीला धावले असता त्यांचा हातला देखील जखम झाली. यानंतर आरोपींनी घटनास्थळावरून पळ काढला. मिळालेल्या माहितीनुसार, एडीसीपी दक्षिण मनिषा सिंह घटनास्थळी पोहोचल्या आणि त्यांनी घटनेचा आढावा घेतला. त्यांनी आरोपीच्या वडिलांचा जबाब घेतला. सध्या आरोपीचा शोध सुरू आहे.