कामरेज- कामरेजमधील पाचवी नापास भाजप आमदार व्ही. डी. झालावाडीया यांनी एका आरोग्य केंद्रात सिरींजमध्ये इंजेक्शन भरल्यामुळे वाद निर्माण झाला आहे.आपण कुणालाही इंजेक्शन दिले नाही, केवळ रुग्णांची सेवा करीत आहोत आणि दोनशेहून जास्त रुग्ण बरे करून उत्तम स्थितीत घरी पाठविले असा दावा त्यांनी केला. दुसरीकडे काँग्रेसने या आमदाराचा पुतळा रुग्णालयात उभारण्यात यावा अशा शब्दांत टीका केली. (gujarat bjp mla vd jhalawadiya covid hospital siring injection)

सार्थना कम्युनिटी कोविड सेंटरमध्ये हा प्रकार घडला. सुरत महापिलेकेच्या सहकार्याने ते चालविले जाते. झालावाडीया यांनी सांगितले की, गेली चाळीस दिवस मी हा केंद्रात स्वयंसेवी कार्य करतो आहे. मला कोणताही वाद निर्माण करायचा नाही. मी फक्त रेमडेसिव्हीर डोस सिरींजमध्ये भरला, पण कुणालाही इंजेक्शन टोचले नाही. मी सिरींज भरत असताना जवळपास १०-१५ डॉक्टर उपस्थित होते. दरम्यान, काँग्रेसने टीका केली आहे. वैद्यकीय कर्मचाऱ्यांनी आता आमदार महोदयांकडूनच प्रशिक्षण घ्यावे, असा टोला काँग्रेसचे प्रवक्ते जयराज सिंह यांनी लगावला.