Gujarat Election 2022: गुजरात विधानसभा निवडणकीच्या पार्श्वभूमीवर भाजपचा बालेकिल्ला असलेल्या सुरतमध्ये पक्षाला मोठा धक्का बसला आहे. सुरतमधील पक्षाचे माजी उपाध्यक्ष पीव्हीएस शर्मा यांनी मंगळवारी पक्षाच्या सदस्यत्वाचा राजीनामा दिला आहे. पक्षाचे प्रदेशाध्यक्ष सी.आर.पाटील यांना लिहिलेल्या पत्रात पक्षात त्यांची उपेक्षा होत असल्याचा आरोप केला आहे. काही दिवसांपूर्वी त्यांना केंद्रीय तपास यंत्रणांच्या तपासालाही सामोरे जावे लागले होते. आयकर विभागात माजी सहाय्यक आयुक्त असलेले पीव्हीएस शर्मा यांनी नोकरीचा राजीनामा देत राजकारणात प्रवेश केला होता.

सुरत येथे व्यापाऱ्यांवर त्यांची पकड असल्याने ते भाजपसाठी अत्यंत उपयुक्त मानले जात होते. दरम्यान ते भाजपचा राजीनामा देऊन अरविंद केजरीवाल यांच्यासोबत जाण्याची शक्यता वर्तवली जात आहे. असे झाल्यास भाजपच्या बालेकिल्ल्यात केजरीवाल अधिक मजबूत होऊ शकतात आणि त्यामुळे सुरतच्या 16 विधानसभा जागांवर भाजपच्या

नोटाबंदीमध्ये संबंध बिघडले

नोटाबंदीच्या काळात पीव्हीएस शर्मा यांचे भाजपसोबतचे संबंध बिघडले होते. त्यांच्याकडे व्यापारी नेता म्हणून पाहिले जात असल्याने ते नेहमी व्यापार्‍यांशी संबंधित समस्या मांडतात. नोटाबंदीच्या काळात व्यापार्‍यांचा त्रास होत असल्याचा आरोप त्यांनी केला होता. त्यांचे ट्विट पक्षाच्या केंद्रीय नेतृत्वाला लक्ष्य करणारे असल्याचे मानले जात होते. या संबंधीत ट्विटनंतर पक्षाकडून त्यांना नोटीसही बजावण्यात आली होती. नंतर त्यांना सीबीआय आणि अंमलबजावणी संचालनालय (ED)च्या चौकशीलाही सामोरे जावे लागले.

गुजरात भाजपचे अध्यक्ष हे पक्षात सीआर पाटील यांचे निकटवर्तीय मानले जात होते, मात्र त्यांनी आपल्या राजीनाम्यात पाटील यांच्या कार्यकाळात दुर्लक्ष केल्याचा आरोप केला आहे. तपासादरम्यान भाजप कार्यकर्त्यांनाही त्यांच्याशी संपर्क न ठेवण्यास सांगण्यात आल्याचे त्यांनी म्हटले आहे.

भाजपचे नुकसान होणार?

खरे तर गेल्या विधानसभा निवडणुकीत काँग्रेस नेते राहुल गांधी यांनी आक्रमक प्रचार केला होता. पाटीदार आंदोलन आणि दलित आंदोलनाचाही त्यांना पाठिंबा होता. त्यामुळे भाजपचा बालेकिल्ला असलेल्या गुजरातमध्ये पक्षावर पराभवाचे संकट होते. मात्र अखेरच्या क्षणी नरेंद्र मोदींनी तीन दिवस आक्रमक प्रचार केला. या दरम्यान सुरतमध्ये 16 पैकी 15 जागांवर भाजपला यश मिळाले होते.

तरीही सुरतमधील भाजपची अडचण कमी झालेला नाही. नुकत्याच झालेल्या महापालिका निवडणुकीत अरविंद केजरीवाल यांनी या भागात विजय मिळवून भाजपसाठी धोक्याचा इशारा दिलवा होता. स्थलांतरित कामगारांना मोफत वीज आणि पाणी देण्याची केजरीवाल यांची घोषणा त्यांच्यासाठी आकर्षणाचे केंद्र आहे. केजरीवाल यांना शर्मा यांची साथ मिळाली तरी भाजपच्या अडचणीत वाढ होईल, असे बोलले जात आहे.