Gujarat Election Result 2022: गुजरात विधानसभा निवडणुकीत भाजपनं रेकॉर्डब्रेक कामगिरी केली आहे. त्यामुळं पुन्हा एकदा भाजप सत्तेत येणार आहे. यामुळं भाजपचं मित्र पक्षांकडून अभिनंदन केलं जात आहे. यामध्ये मुख्यमंत्री एकनाथ शिंदे यांनी देखील भाष्य केलं आहे. (Gujarat Election Result 2022 CM Eknath Shinde congratulates BJP says record break win)

"गेल्या २४ वर्षांत गुजरात राज्यातील विधानसभा निवडणुकांचे सर्व विक्रम भाजपानं मोडलं आहेत. या निवडणुकीत जनतेनं भाजपाच्या विजयाला विक्रमाची नवी झालर लावली. यासाठी पंतप्रधान नरेंद्र मोदी, भाजपाचं आणि गुजरातच्या जनतेचं या विक्रमी विजयाबद्दल अभिनंदन" अशा शब्दांत गुजरातच्या निकालावर CM शिंदे यांनी भाजपच्या कौतुकाचं ट्विट केलं आहे.

दरम्यान, भाजपनं गुजरामध्ये १८२ जागांपैकी १५६ जागांवर विजय मिळवला असून काँग्रेसला १७, आपला ५ तर इतर पक्षांचा ४ जागा मिळाल्या आहेत. या निवडणुकीत ९२ या बहुमताच्या आकड्यापेक्षा भाजप बरीच पुढे निघून गेली. त्यामुळं भाजपनं रेकॉर्डब्रेक कामगिरी करत गुजरातमध्ये एकहाती विजय मिळवला तर काँग्रेसची पुरती धुळधाण झाली. आपचा प्रचारही भाजपसमोर टिकू शकला नाही.