Shahi Imam Of Jama Masjid : मुस्लिम महिलांना निवडणुकीत तिकीट देणाऱ्या राजकीय पक्षांवर जामा मशिदीच्या शाही इमामाने हल्लाबोल केला आहे. ते म्हणतात की आपल्या धर्मात पुरुषांची कमतरता आहे का. गुजरातमध्ये अहमदाबाद येथील शाही इमाम शब्बीर अहमद सिद्दीकी मीडियाशी संवाद साधत होते.

गुजरातमध्ये सध्या राजकीय हालचाली वाढल्या आहेत. उद्या म्हणजेच 5 डिसेंबरला राज्यात दुसऱ्या टप्प्यातील मतदान होणार आहे. दुसऱ्या टप्प्यात 14 जिल्ह्यांतील 93 विधानसभा जागांवर मतदान होणार आहे. त्याचवेळी अहमदाबादमधील जामा मशिदीचे शाही इमाम शब्बीर अहमद सिद्दीकी यांनी मतदानापूर्वी केलेल्या वक्तव्याने नवा वाद निर्माण झाला आहे. मुस्लिम महिलांना तिकीट देणाऱ्या राजकीय पक्षांना त्यांनी इस्लामविरोधी म्हटले आहे. यामुळे त्यांचा धर्म कमकुवत होत असल्याचे देखील ते म्हणाले आहेत.

जामा मशिदीचे शाही इमाम काय म्हणाले..

गुजरात विधानसभा निवडणुकीच्या पार्श्वभूमीवर नवा वाद निर्माण झाला आहे. अहमदाबाद येथील जामा मशिदीच्या शाही इमामा यांनी मुस्लिम महिलांच्या राजकारणातील सहभागाचा निषेध केला आहे. मुस्लिम महिलांना निवडणुकीचे तिकीट देणे इस्लामच्या विरोधात असल्याचे ते म्हणाले. यातून ते धर्म कमकुवत करण्याचा प्रयत्न करत आहेत. एकही माणूस शिल्लक नाही का? असा सवाल देखील शाही इमाम शब्बीर अहमद सिद्दीकी यांनी यावेळी केला आहे.

गुजरातमधील मुस्लिम मतांबाबत बोलताना ते म्हणाले होते की, राज्यातील मुस्लिम आणि गुजरातमध्ये कोणत्याही तीसऱ्या पक्षाला वाव नाही. आम आदमी पक्षावर निशाणा साधत ते म्हणाले होते की, लोक आधीही आले, पण टिकले नाहीत. अशा स्थितीत तिसऱ्या पक्षामुळे तुम्ही काँग्रेसशी लढा घेतला असेल, तर ते योग्य नाही, भाजपसोबत तर आधीच आहे, असेही ते म्हणाले.