Gujarat Hooch Tragedy : गुजरातमधील बोताड जिल्ह्यातील रोजिद गावात बनावट दारू प्यायल्याने सात जणांचा मृत्यू झाला आहे. त्याचबरोबर 10 जणांना गंभीर अवस्थेत रुग्णालयात दाखल करण्यात आले आहे. पोलिसांनी दिलेल्या माहितीनुसार, या प्रकरणाचा तपास सुरू असताना तिघांना ताब्यात घेण्यात आले आहे. त्याच्यावर बनावट दारू तयार करून विक्री केल्याचा आरोप आहे.

गुजरातचे डीजीपी आशिष भाटिया यांना सांगितले की, कोठडीत असलेल्या तिघांची चौकशी केली जात आहे. तत्पूर्वी, मृतांपैकी एकाच्या पत्नीने सांगितले होते की, रविवारी रात्री बनावट मद्य प्राशन केल्यानंतरच पतीची तब्येत बिघडली. बनावट दारू प्यायल्याने रुग्णालयात दाखल करण्यात आलेल्या हिम्मतभाई नावाच्या व्यक्तीने सांगितले की, यामुळे किमान 15 लोक आजारी पडले आहेत.