नवी दिल्ली: पंतप्रधान नरेंद्र मोदी यांना मारणार असल्याची धमकी 100 नंबरवर फोन करून दिली. पोलिसांनी संबंधित युवकाला ताब्यात घेतले असून, त्याचे नाव हरभजन सिंग आहे. पण, तो क्रिकेटपटू हरभजन सिंग नाही.
हरियाणा येथील रहिवासी असलेला हरभजन सिंग नोकरीनिमित्त नोएडा सेक्टर 66 मध्ये राहात आहे. लॉकडाऊनच्या काळात त्याची नोकरी गेली. यामुळे तो नैराष्यात आहे. लखनौ कंट्रोल रुमला फोन करुन त्याने पंतप्रधान नरेंद्र मोदी यांना मारण्याची धमकी दिली. त्यामुळे शासन व प्रशासनात खळबळ उडाली होती. पोलिसांनी तत्काळ सुत्रे हलवत हरभजन सिंगला ताब्यात घेतले. यावेळी तो नशेत होता. चौकशीदरम्यान तो ड्रग्ज अॅडिक्टेड असल्याचे पोलिसांना समजले.
अतिरिक्त पोलिस उपायुक्त अंकुर अग्रवाल यांनी सांगितले की, 'हरभजन सिंग याने 100 नंबरवर फोन करुन पंतप्रधान नरेंद्र मोदी यांना मारणार असल्याची धमकी दिली होती. त्यानंतर, स्थानिक विभागातील फेज ३ च्या पोलिसांनी तत्काळ घटनेचा तपास सुरु केला. पोलिसांनी या युवकाचा तपास करून मामुरा परिसरातून अटक केली. नशेत असल्यामुळे त्याला वैद्यकीय तपासणीसाठी पाठविण्यात आले आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.