नवी दिल्ली - माजी सॉलिसिटर जनरल हरिश साळवे वयाच्या 65 व्या वर्षी दुसऱ्यांदा लग्न करणार आहेत. देशातील नामांकित वकिलांपैकी एक अससेले हरिश साळवे हे ब्रिटनमध्ये क्वीन्स कौन्सिल आहेत. गेल्याच महिन्यात साळवे यांनी त्यांची पहिली पत्नी मीनाक्षी यांच्यापासून घटस्फोट घेतला होता. हरिश आणि मीनाक्षी यांचा संसार 38 वर्षांचा होता. त्यांना दोन मुलीसुद्धा आहेत.
हरिश साळवे येत्या 27 ऑक्टोबर रोजी लंडनमध्ये विवाहबद्ध होणार आहेत. ख्रिस्ती मैत्रिण कॅरोलिन ब्रॉजर्स हिच्यासोबत लग्न करण्याआधी हरिश साळवे यांनी धर्मही बदलला आहे. गेल्या दोन वर्षांपासून हरिश साळवे कॅरोलिनसोबत उत्तर लंडनमधील चर्चमध्ये जात होते. दोघांचेही हे दुसरे लग्न आहे. कॅरोलिन 56 वर्षांच्या असून त्यांना एक मुलगीसुद्धा आहे.
हरिश साळवे हे भारतातील प्रसिद्ध वकिल असून त्यांना भारत सरकारनं सॉलिसिटर जनरल म्हणून नियुक्त केलं होतं. 2019 मध्ये त्यांनी पाकच्या ताब्यात असलेल्या भारताच्या कुलभूषण जाधव यांची बाजू आंतरराष्ट्रीय न्यायालयात मांडली होती. यामध्ये त्यांनी पाकला तोंडावर पाडलं होतं. इतकंच नाही तर या प्रकरणासाठी त्यांनी शुल्क म्हणून फक्त एक रुपया घेतला होता.
महाराष्ट्रातील नागपूरमध्ये शिक्षण घेतलेले हरिश साळवे 1976 मध्ये दिल्लीला आले. सध्याचे सरन्यायाधीश शरद अरविंद बोबडे यांच्यासोबतच हरिश साळवे यांचे शालेय शिक्षण झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.