लखनऊ - हाथरस सामूहिक बलात्कार प्रकरणानंतर दंगल घडवण्याचा कट असल्याचा दावा उत्तर प्रदेश सरकारने केला होता. या दाव्यानंतर तपास यंत्रणा सतर्क झाल्या असून हाथरसमध्ये ये-जा कऱणाऱ्यांवर करडी नजर ठेवली जात आहे. यातच आता मथुरेतील चार जणांना अटक करण्यात आली आहे. हे चारही जण हाथरसला जात होते आणि ते पॉप्युलर फ्रंट ऑफ इंडियाशी संबंधित असल्याचं म्हटलं जात आहे.
याबाबत मिळालेली माहिती अशी की, मथुरेत गाड्यांची तपासणी केली जात होती. यावेळी चार जणांच्या गाडीची नंबर प्लेट दिल्लीची होती. तपासणी नाक्यावर चौकशी केली असता त्यांच्याजवळ मोबाइल, लॅपटॉपसह संशयास्पद साहित्य आढळून आले. अटक करण्यात आलेल्या चौघांची पोलिस चौकशी सुरु आहे. हाथरसमधील वातावरण बिघडवण्याचा प्रयत्न करणाऱ्यांवर पोलिस नजर ठेवून आहेत.
उत्तर प्रदेशात जातीय दंगल घडवण्याचा कट रचला जात असल्याचा दावा राज्य सरकारने केला होता. शहरात दंगल घडवण्याची तयारी केली जात होती असं खुद्द उत्तर प्रदेशचे मुख्यमंत्री योगी आदित्यनाथ यांनी म्हटलं होतं.
उत्तर प्रदेश सरकारचा दावा आहे की , पीडितेला न्याय देण्याची लढाई आणि राजकारण यांच्या गदारोळात दंगलीचा कट रचण्यात आला होता. हा कट यशस्वी झाला असता तर संपूर्ण उत्तर प्रदेश यामध्ये पेटलं असतं. कट रचताना जस्टिस फॉर हाथरस नावाने संकेतस्थळ तयार करून त्यावरून आक्षेपार्ह आणि चिथावणीखोर साहित्य अपलोड करण्यात आलं होतं. तसंच दंगली कशा घडवून आणायच्या याबाबतही सांगण्यात आलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.