नवी दिल्ली- लक्ष्य ठरवण्यासाठी स्वप्न पाहा, तुम्ही जर स्वप्नच पाहणार नाही तर तुमचं कोणतंही लक्ष्य नसेल आणि लक्ष्याशिवाय यश मिळत नाही, हे शब्द आहेत प्रसिद्ध व्यावयायिक आणि एचसीएल टेकचे संस्थापक शिव नादर यांचे. त्यांनी नुकतेच कंपनीचे अध्यक्षपद सोडण्याचा निर्णय घेतला आहे. त्यांची मुलगी रोशनी नादर मल्होत्रा आता अध्यक्षपद सांभळणार आहेत. मात्र, शिव नादर कंपनीच्या व्यवस्थापकीय संचालकपदी कायम असणार आहेत.

आंतरराष्ट्रीय उड्डाणे उद्यापासून ‘अनलॉक’
तंत्रज्ञान क्षेत्रातील दिग्गज आणि देशाचे मोठे उद्योगपती शिव नादर यांचा जन्म 14 जूलै 1945 रोजी झाला. दक्षिण भारतातील एक छोट्या गावातून येणारे नायर यांनी आज भारतीय आयटी क्षेत्रात आणि कॉम्युटर विज्ञान क्षेत्रात आपली जागा बनवली आहे. तामिळनाडूतून येणारे नादर एचसीएल टेक्लोलॉजीचे संस्थापक आणि अध्यक्ष आहेत. एचसीएस आपल्या आयटी सेवांसाठी प्रसिद्ध आहे.

शिव नादर यांनी आपल्या करिअरची सुरुवात पुण्यातील वालचंद ग्रुप ऑफ इंजीनियरिंगसोबत केली होती. व्यवसाय चालवण्याचा अनुभव मिळाल्यानंतर त्यांनी नोकरी सोडली आणि स्वत:चा व्यवसाय सुरु करण्याचा निर्णय घेतला. आपल्या काही मित्रांना सोबत घेऊन ते देशातील मोठ्या तंत्रज्ञान क्रांतीत गुंतले. शिव नादर यांनी एका मुलाखतीत सांगितलं होतं की ते पहिल्यांदा अर्जून नावाच्या व्यक्तीशी भेटले होते. अर्जून त्यांच्यासारखेच व्यावसायिक प्रशिक्षक होते. तेव्हापासून आम्ही मित्र बनलो आणि आमची मैत्री आजही कायम आहे.  आम्ही दोघांनी डीसीएममध्ये काम करणाऱ्या आपल्यासारख्या अन्य व्यक्तींना एकत्र घेत काम सुरु केलं.

लंडनमध्ये सचिन पायलट यांची काश्मिरी कन्येसोबत फुलली प्रेमकहाणी
खाजगी नोकरी सोडण्यानंतर त्यांनी पाच मित्रांना सोबत घेऊन माईक्रोकॉम्प लिमिटेड नावाची कंपनी सुरु केली. 1976 साली त्यांची कंपनी डिजिटल कॅलक्युलेटर विकण्याचे काम करायची. लवकरच कंपनीचे नाव हिंदुस्तान कॉम्प्युटर्स लिमिटेड (एचसीएल) ठेवण्यात आले आणि कंपनीने कॉम्प्युटर बनवण्याचं काम सुरु केलं. काही वर्षातच कंपनी जगभरात मोठा ब्रँड म्हणून उदयाला आली. 1980 मध्ये नादर यांनी सिंगापूरमध्ये आयटी हार्डवेअर विकण्यासाठी 'फार ईस्ट कॉम्युटर्स'ची स्थापना करुन आंतराराष्ट्रीय बाजारात पाय ठेवले. त्यानंतर त्यांनी कधीच मागे वळून पाहीलं नाही. 1982 मध्ये त्यांच्या कंपनीने पहिला पीसी बाजारात आणला. त्यांनतर आयटी व्यवसायाची संबंधित पाच इतर कंपन्यांचे त्यांनी आपल्या कंपनीमध्ये विलय केले.