कर्नाटक: कर्नाटकातील (Karnataka) हिजाब वादाला (Hijab Row)आता वेगळेच वळण लागत आहे. उच्च न्यायालयाच्या (High Court)आदेशानंतरही काही विद्यार्थ्यांनींनी हिजाबशिवाय येणार नाही असा निर्णय घेतल्यामुळे हुबळीतील (Hubali) महिला महाविद्यालयाला सुट्टी जाहिर करण्यात आल्याची माहिती हुबळीतील एसजेएमव्ही कॉलेज फॉर वुमन येथील प्रमुख लिंगराज अंगडी यांनी दिली आहे. (SJMV College for Women in Hubli Holidays)

दरम्यान, बेळगावातील लिंगराज कॉलेजमध्ये (Lingaraj College) हिजाब परीधान करून आलेल्या विद्यार्थींनीना आज परत पाठविण्यात आले. मंगळवारी (ता. १६) सरदार्स कॉलेजमध्ये (Sardars College) सामाजिक कार्यकर्त्या व पोलिसांत चकमक उडाली होती. विद्यार्थ्यांनींनीच हिजाबशिवाय येणार नाही असा निर्णय घेतल्यामुळे आज हुबळीत सुट्टी जाहीर करण्यात आली.

कर्नाटकात बुधवारपासून (ता. ९) हिजाबचा वाद निर्माण झाला आहे. तेव्हापासून शाळांबरोबर, पदवीपूर्व व पदवी महाविद्यालये बंदच होती. सोमवारी शाळा सुरु झाल्या. मात्र शाळेत देखील मुलींनी हिजाब घालूनच प्रवेश केला. यावरून सरदार्स कॉलेजमध्ये (Sardars College) सामाजिक कार्यकर्त्या व पोलिसांत चकमक उडाली.

आज महाविद्यालये सुरु झाली. बेळगावातील लिंगराज कॉलेजमध्ये (Lingaraj College) हिजाब परिधान करून आलेल्या विद्यार्थींनीना परत पाठविण्यात आले. शिक्षण मंत्र्यांनी याआधिच वर्गात हिजाब घालून येणाऱ्यांना रोखले जाईल असा आदेश काढला होता. मात्र आता विद्यार्थ्यांनींनी हिजाबशिवाय येणार नाही असा निर्णय घेतल्याने या वादाला आता वेगळे वळण लागण्याची दाट शक्यता आहे.