नवी दिल्ली - पंतप्रधान नरेंद्र मोदी यांनी कोरोनाचा मुकाबला करण्यासाठी शनिवारी पीएम-केअर्स नावाने विशेष निधी सुरु केला असून त्यासाठी मदतीचे आवाहन जनतेला केले. देणगीच्या रकमेनुसार आयकरात सवलतही जाहीर करण्यात आली. केअर्सचे दीर्घ रुप सिटीझन अॅसिस्टन्स अँड रिलीफ फंड इन इमर्जन्सी सिच्यूएशन्स असे आहे.
जगभरात 25 हजार आणि देशात 21 बळी घेतलेल्या या महामारीविरुद्ध मुकाबला करण्यासाठी योगदान देण्याची इच्छा समाजातील सर्व स्तरातील लोकांनी व्यक्त केली आहे. सुदृढ देश घडविण्यासाठी याचा दूरगामी फायदा होईल. त्यासाठी आपण कोणतीही कसर सोडता कामा नये, भविष्यात असे संकट ओढवले तर या निधीचा उपयोग होईल, असे पंतप्रधानांनी म्हटले आहे.
कोणाची किती मदत?
टाटा उद्योग समूह - 500 कोटी
उद्योगपती अनिल अगरवाल - 100 कोटी
मुकेश अंबानी - 5 कोटी महाराष्ट्र मुख्यमंत्री सहाय्यता निधी
उद्योगपती अनिता डोंगरे - 150 कोटी
अक्षय कुमारचे २५ कोटी
अभिनेता अक्षय कुमार याने पंतप्रधानांच्या आवाहनाला प्रतिसाद देत आपल्या बचतीमधून 25 कोटी रुपयांची मदत जाहीर केली. सेलीब्रीटींनी जाहीर केलेल्या मदतीत हा आकडा सर्वाधिक आहे. अक्षय कुमारने ट्विटमध्ये म्हटले आहे की, ही अशी वेळ आहे जेव्हा लोकांचा जीव सर्वाधिक महत्त्वाचा आहे. त्यासाठी आवश्यक असलेली कोणतीही आणि प्रत्येक गोष्ट करूयात. चला सारे एकत्र येऊन जीव वाचवूयात. जान है तो जहान है.
त्याच्या या ट्वीटला मोदी यांनी, एक महान कृती असा प्रतिसाद दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.