Fire News: हैदराबादमधील एका रुग्णालयात आज (शनिवार) भीषण आग लागली. रुग्णालयात अनेक रुग्ण अडकून पडण्याची शक्यता आहे. मात्र आग विझवण्याचे प्रयत्न सुरू असून अग्निशमन दलाच्या गाड्या घटनास्थळी हजर आहेत.

हैदराबादमधील अंकुरा हॉस्पिटलच्या इमारतीला ही आग लागली. आगीमुळे रुग्णालयाच्या नावाचा फलक पूर्णपणे जळून खाक झाल्याची माहिती आहे. (Latest Marathi News)

अग्निशमन दलाच्या तीन गाड्या घटनास्थळी पोहोचल्या आणि आग पूर्णपणे आटोक्यात आणल्याचे अधिकाऱ्यांनी सांगितले. बांधकाम सुरू असल्याने इमारतीचे बहुतांश वरचे मजले रिकामे असल्याचे त्यांनी सांगितले. 

ते म्हणाले की अग्निशमन दलाने सर्व मजले कसून तपासले आणि आग इमारतीच्या आत पसरली नसल्यामुळे कोणतीही जीवितहानी झाली नाही. शॉर्ट सर्किटमुळे आग लागल्याचे समजते. तपास सुरू असल्याचे त्यांनी सांगितले.