चंदीगढ : पंजाब काँग्रेसमध्ये सुरु असलेला घोळ आजही कायम असलेला दिसून आला आहे. आज पंजाब काँग्रेसचे प्रदेशाध्यक्ष नवज्योत सिंग सिद्धू यांनी आपली नाराजी व्यक्त करत राजीनामा दिली आहे. त्यांनी राजीनामा देताना स्पष्टपणे नाराजी व्यक्त केली आहे, मात्र मी काँग्रेसची सेवा करत राहीन असंही म्हटलं आहे. सुपूर्द केलेल्या राजीनाम्यामध्ये त्यांनी म्हटलंय की, माणसाचे चारित्र्य कोसळण्याची सुरुवात ही तडजोड करण्यापासून सुरु होते. मी पंजाबच्या भविष्या आणि कल्याणाबाबत तडजोड करु शकत नाही. त्यामुळेच मी पंजाब प्रदेश काँग्रेसचे काम करत राहीन.

यावर प्रतिक्रिया देताना पंजाबचे नवे मुख्यमंत्री चरणजीत सिंग चन्नी यांनी म्हटलंय की, मला याबाबत काही माहिती नाही. मला नवज्योत सिंग सिद्धू यांच्यावर पूर्ण विश्वास आणि खात्री आहे. तर दुसरीकडे सिद्धू यांच्या राजीनाम्यावर माजी मुख्यमंत्री कॅप्टन अमरिंदर सिंग यांनी देखील खोचक आणि बोचरी प्रतिक्रिया दिली आहे. ते म्हणालेत की, "मी तुम्हाला म्हणालो होतो...तो स्थिर माणूस नाहीय. पंजाब सारख्या सीमावर्ती राज्यासाठी ह योग्य माणसू नाही" असं कॅप्टन अमरिंदर सिंग यांनी टि्वट केलं आहे. अमरिंदर सिंग भाजपामध्ये प्रवेश करतील अशी चर्चा सुरु असतानाच सिद्धू यांनी प्रदेशाध्यक्षपदाचा राजीनामा दिला आहे.