अहमदाबाद : भारताने पाकिस्तानला इशारा दिल्यानंतर पाकिस्तानचे पंतप्रधान इम्रान खान यांची चांगलीच पळापळ झाली आहे. पाकिस्तानच्या दहशतवादी कारवायांना चोख प्रत्युत्तर दिले जाईल असा इशारा भारताने दिला आहे. त्यामुळे इम्रान खान यांनी टि्वट करुन आपली चिंता व्यक्त केली आहे. हंदवाडामध्ये दोन दिवसात दोन वेगवेगळया घटनांमध्ये कर्नल, मेजरसह एकूण आठ जवान शहीद झाले. यावर भारताने पाकिस्तानला इशारा दिला होता.
ताज्या बातम्यांसाठी डाऊनलोड करा ई-सकाळचे ऍप
इम्रान खान म्हणाले, 'सध्या तणावग्रस्त परिस्थिती आहे. तिचा फायदा घेत, घुसखोरी होत असल्याचा आरोप भारताकडून होण्याची शक्यता आहे. तसेच याच्या आडून भारत पाकिस्तानविरोधात लष्करी कारवाईचा बागुलबोवा उभा करण्याची शक्यता आहे. पाकिस्तान विरोधात लष्करी कारवाईचा बागुलबोवा उभा करण्यासाठी भारत सातत्याने कारणं शोधत आहे. नियंत्रण रेषेवरुन घुसखोरी होत असल्याचा आरोप तथ्यहीन असून भारताच्या खतरनाक अजेंडयाचा भाग असल्याचीही टीका इम्रान खान यांनी केली आहे.
दहशतवादी कारवायांना चोख प्रत्युत्तर दिले जाईल असा इशारा भारताने दिला होता. त्यानंतर उलट भारत काश्मीरमध्ये स्थानिक हिंसाचार घडवत असल्याचा आरोप त्यांनी केला आहे. भारतातील सत्ताधारी म्हणजे भाजपच्या धोरणांमुळे दक्षिण आशियातील शांतता धोक्यात येऊ शकते असेही ते म्हणाले आहेत. त्याआधी आंतरराष्ट्रीय समुदायाने पावले उचलावी, असे आवाहन त्यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.