Independence Day 2023 : 1947 मध्ये स्वातंत्र्य मिळाल्यानंतर, दरवर्षी 15 ऑगस्ट रोजी देशभरात स्वातंत्र्य दिन साजरा केला जातो. संपूर्ण भारतात या दिवशी जल्लोषाचे वातावरण असते. काही लोक परेडला जातात, तर काही लोक सकाळी टीव्ही चालू करून त्यातील स्वातंत्र्यदिनाचे विविध कार्यक्रम बघत हा दिवस साजरा करतात. 15 ऑगस्टच्या निमित्ताने देशाच्या विविध भागांना भेट देण्याची एक वेगळीच मजा असेल. सर्वत्र फडकणारा तिरंगा आणि देशभक्तीवरची गाणी तुम्हाला आनंदित करतील. या लेखात आम्ही तुम्हाला अशा ठिकाणांबाबत सांगणार आहोत जिथे स्वातंत्र्यदिनाचे जोरदार सेलिब्रेशन असते.

इंडिया गेट - तुम्ही दिल्लीत राहत असाल तर स्वातंत्र्यदिनी इंडिया गेटला भेट द्यायलाच हवी. येथील नॅशनल वॉर मेमोरियलला भेट देता येते, हे शूर सैनिकांच्या सन्मानार्थ बांधले गेले आहे. स्वातंत्र्यदिनी ही जागा सुंदर सजवली जाते.

वाघा बॉर्डर - वाघा बॉर्डर ही मुळात भारत आणि पाकिस्तानमधील रोड बॉर्डर आहे. हे अमृतसर जवळ आहे. येथे होणाऱ्या बीटिंग रिट्रीट सोहळ्यामुळे दररोज संध्याकाळी सूर्यास्तापूर्वी येथे लोकांची गर्दी होऊ लागते. या ठिकाणी तुम्ही स्वातंत्र्यदिनी भेट देऊ शकता. (Independence Day)

लाल किल्ला - दरवर्षी 15 ऑगस्ट रोजी सकाळी पंतप्रधान येथे ध्वजारोहण करतात आणि आपल्या भाषणातून देशाला संबोधित करतात. स्वातंत्र्याचा उत्सव साजरा करण्यासाठी यापेक्षा चांगली जागा असू शकत नाही. (Lifestyle News)

या दिवशी रस्त्यावर जागोजागी तुम्हाला देशभक्तीपर गीते ऐकू येतील. तसेच ठिकठिकाणी तिरंगाच्याच्या रंगात रागोळ्याही काढलेल्या दिसतील.