नवी दिल्ली : कोरोनाविरुद्धच्या (Coronavirus) युद्धात भारताने शनिवारी (ता. १६) २०० कोटी कोरोना लसीकरणाचे (Corona Vaccination) लक्ष्य गाठले आहे. भारताने १८ महिन्यांत हा टप्पा पूर्ण केला आहे. भारतात कोरोना लसीकरण पंतप्रधान नरेंद्र मोदी यांनी १६ जानेवारी २०२१ रोजी सुरू केले होते. भारतात जगाच्या लोकसंख्येपैकी १७.५ टक्के लोक राहतात तिथे सर्वसामान्यांना लस पोहोचवणे सोपे नव्हते. हा एक लांबचा प्रवास आहे. ज्याने हळूहळू २०० कोटींचे लक्ष्य गाठले आहे. (Corona Vaccination Marathi Latest News)

३१ डिसेंबर २०१९ रोजी चीनमधील वुहान येथे महामारीची सुरुवातीची लक्षणे आढळून आली. यानंतर ३० जानेवारी २०२० रोजी जागतिक आरोग्य संघटनेने कोरोना विषाणूचा (Coronavirus) प्रादुर्भाव हा सार्वजनिक आरोग्य आणीबाणी घोषित केला. ११ मार्च २०२० रोजी जागतिक आरोग्य संघटनेने (WHO) कोरोना विषाणूचा उद्रेक एक साथीचा रोग घोषित केला.

३० जानेवारी २०२० रोजी भारतात (India) कोरोना विषाणूच्या पहिल्या प्रकरणाची पुष्टी झाली. केरळमधील त्रिशूरमध्ये देशातील पहिला कोरोना रुग्ण आढळून आला. भारतात १२ मार्च २०२० रोजी कोरोना विषाणूमुळे पहिल्या मृत्यूची नोंद झाली. १९ एप्रिल २०२० रोजी भारत सरकारने उच्चस्तरीय कार्य दल स्थापन केले.

३० जून २०२० रोजी लसीच्या (Corona Vaccination) पहिल्या आणि दुसऱ्या टप्प्यातील चाचण्यांना मान्यता देण्यात आली. महामारीच्या काळात केंद्र सरकारने २९ नोव्हेंबर २०२० रोजी महामारीशी लढण्यासाठी ९०० कोटींचे प्रोत्साहन पॅकेज जाहीर केले.

३० जानेवारी २०२० रोजी भारतात पहिल्या प्रकरणाची पुष्टी

३१ डिसेंबर २०१९ रोजी चीनमधील वुहान येथे महामारीची सुरुवातीची लक्षणे आढळून आली. यानंतर ३० जानेवारी २०२० रोजी जागतिक आरोग्य संघटनेने कोरोना विषाणूचा प्रादुर्भाव सार्वजनिक आरोग्य आणीबाणी घोषित केला. ११ मार्च २०२० रोजी WHO ने कोरोनाव्हायरसचा उद्रेक एक साथीचा रोग घोषित केला. ३० जानेवारी २०२० रोजी भारतात कोरोना विषाणूच्या पहिल्या प्रकरणाची पुष्टी झाली. केरळमधील त्रिशूरमध्ये देशातील पहिला कोरोना विषाणू-संक्रमित रुग्ण आढळून आला.