नवी दिल्ली - युक्रेन आणि रशिया यांच्यात तणावाचे वातावरण निर्माण झाले आहे. एका बाजुला रशिया त्यांचे सैन्य मागे घेत असल्याचं सांगत आहे. तर अमेरिकेनं रशियानं अद्याप सैन्य मागे घेतलं नसल्याचा दावा केला आहे. यातच आता भारत सरकारने भारत-युक्रेन विमानांसाठी कोरोनाच्या पार्श्वभूमीवर असलेले निर्बंध हटवले आहेत. एअर बबलच्या नियमानुसार फ्लाइट आणि सीटच्या मर्यादा हटवण्यात आल्याची माहिती नागरी विमान उड्डयण मंत्रालयाने दिली आहे.

रशियाने क्राइमियामधील लष्करी सराव संपल्याची घोषणा केली असून, यानंतर येथील सैनिक तेथून माघारी परतत असल्याचे वृत्त आहे. दरम्यान, युक्रेन आणि रशियामध्ये होणारे महायुद्ध टळल्याने येथील युक्रेनमधील नागरिकांसह अनेक देशांनी सुटकेचा निश्वास सोडला आहे.