जम्मू-काश्मीरमधील कुपवाडा जिल्ह्यात (Jammu and Kashmir Kupwara) आज (बुधवार) सकाळी एक मोठी दुर्घटना घडलीये. कुपवाडा जिल्ह्यात नियंत्रण रेषेजवळ (LOC) गस्त घालत असताना खोल दरीत पडून एका अधिकारीसह (JCO) तीन सैनिकांचा मृत्यू झाला.
भारतीय लष्करानं (Indian Army) या अपघाताबाबत सांगितलं की, नियमित गस्तीदरम्यान हे जवान अपघाताचे बळी ठरले आहेत. उत्तर काश्मीरमधील कुपवाडा जिल्ह्यातील नियंत्रण रेषेजवळील माछिल सेक्टरमध्ये खोल दरीत पडल्यामुळं एक कनिष्ठ आयोग अधिकारी (JCO) आणि दोन सैनिकांचा मृत्यू झाला. जेसीओ आणि इतर दोन जवान माछिल सेक्टरमध्ये नियमित गस्त घालत असताना तिघंही खाली दरीत कोसळले, त्यात त्यांचा मृत्यू झाला.
श्रीनगरस्थित चिनार कॉर्प्सनं ट्विट केलंय की, "दुर्गम भागात नियमित गस्त घालत असताना एक जेसीओ आणि इतर दोन जवान बर्फातून पाय घसरुन खोल दरीत कोसळले आणि यात त्यांचा मृत्यू झाला. या तिन्ही जवानांचे मृतदेह बाहेर काढण्यात आले आहेत. दरम्यान, यापूर्वी गेल्या वर्षी 18 नोव्हेंबरला माछिल सेक्टरमध्ये अशीच घटना घडली होती. हिमस्खलनात तीन लष्करी जवानांचा मृत्यू झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.