सध्या युक्रेन आणि रशिया (Russia) यांच्यातील युद्धाने अनेकांच्या चिंता वाढल्या आहेत.हे युद्ध थांबावे, यासाठी सर्व स्तरातून प्रयत्न केले जात आहे तर अशातच भारत - चीन (India - China) सीमेवर पोलिसांची तैनात वाढली आहे. भारत-तिबेट सीमेवर (Indo-Tibetan Border) भारत-तिबेट सीमा पोलीस दलाचे पथक (ITBP) हिमाचल प्रदेशात -20 अंश सेल्सिअस तापमानात सीमेवर गस्त घालतानाचा व्हिडीओ समोर आला आहे. (Indo Tibetan Border Police patrolling the borders in snowfall at -20 degrees celsius )

या व्हिडीओमध्ये हिमाचल प्रदेशात बर्फवृष्टीमध्ये 14,000 फूट उंचीवर -20 अंश सेल्सिअस तापमानात भारत-तिबेट सीमा पोलीस दलाचे सैनिक गस्त घालत आहे.यावरून भारत-तिबेट सीमेवर कडक बंदोबस्त दिसून येतोय. एकीकडे युक्रेन रशिया युद्धाचे संकट जगाच्या पाठीवर आहे तर यात आता भर म्हणून चीन पासून सुरक्षित राहण्यासाठी पोलीस दल सतर्क झाल्याचं पाहायला मिळतंय.

भारत-तिबेट सीमा पोलीस दल भारताचे एक सुरक्षा दल आहे. १९६२ च्या भारत-चीन युद्धानंतर २४ ऑक्टोबर १९६२ रोजी या दलाची स्थापना झाली होती. लद्दाख मधील काराकोरम पासून अरुणाचल प्रदेशातील दिफु ला पर्यंतच्या ३४८८ किमी लांबीच्या भारत-चीन सीमेवर हे दल तैनात असतात.