जकार्ता - 'देने वाला जब भी देता देता छप्पर फाड़ के' हे आपल्या हेराफेरी चित्रपटातलं गाणं. मात्र या गाण्याची खरी आणि शब्दश: प्रचिती आलीय ती इंडोनेशियातील तरुणाला. इंडोनियाथा उल्कापिंड क्रॅश होऊन एका तरुणाच्या घराच्या छतावर पडली. ती उल्कापींड साधीसुधी नव्हती तर अब्जावधी वर्षे जुनी होती. सुरुवातीला दगड असल्याचं वाटलेल्या तरुणाला यामुळे तब्बल 9.8 कोटी रुपये मिळाले.
इंडोनेशियातील सुमात्रा इथं राहणाऱ्या जोशुआ हुतागालुंग या तरुणाला घराच्या छतावर उल्कापिंड सापडली. तरुण दारातच काम करत असताना अचानक दोन किलो वजनाचा अंतराळातील एक दगड छतावर पडला. या दगडाची किंमत जवळपास एक मिलियन पौंड म्हणजेच 9 कोटी 80 लाख रुपये इतकी आहे.
जोशुआने सांगितलं की, दगड छतावर पडल्यानं घऱाला असलेलं पत्र्याचं छत तुटलं. आवाज एखाद्या स्फोटासारखा झाला होता. घरात आत जाऊन पाहिलं असता छत तुटल्याचं दिसलं आणि जमिनीवर दगड पडला होता. त्यावेळी दगड गरम होता. जोशुआने फेसबुकवर दगडाचे फोटो शेअर केले आहेत.
इनडिपेंडंटच्या मते, उल्कापिंड कार्बोनिअस चोंड्रेइट आहे. एक अत्यंत दुर्मीळ असा आणि अंदाजे 4.5 अब्ज वर्षे जुना असा हा दगड आहे. याच्या एका ग्रॅमची किंमत 645 पौंड (भारतीय चलानुसार 63 हजार रुपये) इतकी आहे.
जोशुआ हुतागालुंगने हा दगड अमेरिकेतील एक तज्ज्ञ जेरेड कॉलिन्स यांना विकला आहे. कॉलिन्स यांनी तो जेपी पॅटेक यांना विकला असून तो आता एरिझोना स्टेट युनिव्हर्सिटीच्या उल्कापिंडांचा अभ्यास करणाऱ्या विभागामध्ये ठेवण्यात आला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.